Love at its Best (Book 1 Part1)

Love at its Best1

By: Migs

“Cha, I really really have to pee! Stop the car naman for a while kasi!” sabi ko sa bestfriend ko.

Si Ms. Charity Sandoval, my fag hag (though lagi niyang pinapaalala na hindi ko siya faghag) she always say that she's too smart to be my fag hag, sa totoo naman matalino si Cha, mabait, may pagkalukaret nga lang minsan saka model material yan may sapak nga lang ang ugali kung minsan at higit sa lahat mayaman, maraming lupa sa probinsya may mga business sa Manila, filthy rich kung baga. At ako? Ako si Miguel, Migs ang tawag nila sakin, isa akong bisexual, discreet average looking, nasa middle class mabait kung sa mabait at mabait parin sa mga di gaanong mabait. nagkakilala kami niyan ni Cha nung college.

We were having our freshmen orientation then, ang alam ko lang ako ay nabibilang sa BSN 1-b, nakapila kami ni Jon (bestfriend ko) nang magsalita yung isang facilitator sa may stage.

“I would like for you guys to listen carefully because I'm only going to say this once” at nagbigay na nga ng instructions ang dahumong facilitator at dahil magkaiba kami ni Jon ng course sa ibang building siya pupunta.

“eka lang Jon, di ko alam kung saan ako pupunta” paiyak ko ng sabi kay Jon.

“hala di ka ba nakinig kanina? Ano bang sabi anong building ka raw saka room?” sabi sakin ni Jon ng may pagaalala.

“di ko nga naintindihan eh, basta sabi lahat ng BSN 1-b sa ganitong building pupunta tas room 103 daw” sagot ko na kinakabahan parin.

“BSN 1-b ka ba kamo?” singit ng isang magandang babae sa likod ko,

“swerte mo gurl! Magkaklase tayo at nakinig ako sa panget na nag announce ng room natin, halika sama ka na sakin,” at hinila na niya ako papuntang classroom namin at napatingin na lang ako kay Jon at nginitian niya lang ako sabay talikod.

“Cha nga pala gurl!” pagkatulak niya sakin sa upuan at tumabi sa tabi ko.

“Migs nga pala” sagot ko sabay hatak niya sa kamay ko at nakipagshake hands.

“nga pala you're gay right?!” sabi niya na nakapagpalaki naman sa mata ko. Umiling lang ako bilang sagot.

“its ok noh! Naaamoy kita! Malansa ka rin. OMG! I remember this one time may nanligaw sakin and the stench was so strong alam mo yun obvious na obvious na pero dineny niya parin, so GO! Sagutin ko siya, and after one year nag out ang bakla! Ayun heartbroken ang drama ng lola mo simula nun talagang naniwala na aketch sa aking gut feeling.” patuloy niyang paglalahad. Di ko alam kung maiilang ako o ano, kasi parang limang segundo lang ata yung lumipas na nagpakilala kami sa isa't isa at ito na yung pinaguusapan namin.

“but don't worry gurl akong bahala sayo, di ko ipagsasabi.” sabi niya sakin ng pabulong sabay kindat, di ko na nagawang mag deny. We graduated na konti lang ang nakaalam ng tunay na ako... salamat sa paminsan minsang pagkalimot ni Cha na discreet ako.

“Cha, I really really have to pee! Stop the car naman for a while kasi!” sabi ko na medyo pasigaw kay Cha.

“tangna mo naman kasi gurl sino ba naman kasi ang may sabi sayong laklakin mo yung panindang buko juice ni gwapong manong buko juice vendor!” sabi sakin ni Cha na pinagtatawanan pa ako.

“Tse! Bilis na itigil mo muna ang sasakyan.” sa tabi nalang ako ng daan napilitang umihi, tutal kahit saan mo naman ibaling ang paningin mo wala kang makikita kundi damuhan at mga baka na nagkukumpol kumpol. Dahil di ko na mapigilan doon ako sa may tapat ng mga baka nagpasyang umihi. Nang maramdaman ko ang pag gaang ng aking pantog biglang may sumulpot na lalaki sa likod ng mga baka, nakatingin sakin na siya namang ikinahiya ko. Di ko inaasahang may makakakita pala sakin duon ang malala pa kitang kita niya ang aking Junior, napatawa naman ang lalaki, dahil dali dali kong tinapos ang aking pag ihi at sinaran ang aking zipper. Tumakbo ako pabalik ng kotse at nadatnan kong nakikipagusap si Cha sa mama niya.

“Yes Ma, malapit na kami. Migs just peed malapit na kami, ok?” kanina pa sinabi sakin ni Cha na malapit na kami nung lumiko kami galing highway, actually sabi niya na andito na kami pero five minutes naring nagdradrive si Cha.

“Akala ko ba andito na tayo sainyo, e kanina ka pa nagdradrive puro damuhan saka baka parin ang nakikita ko eh sigurado ka bang di tayo naliligaw?” tanong ko kay Cha.

“Gaga! Andito na nga tayo no! Kanina pa simula nung lumiko tayo galing highway pumasok na tayo sa residences ng mga Sandoval” nagulat naman ako sa sinabing yun ni Cha, di ko naman akalain na sa kanila na pala tong lupain na ito, Hacienda ang dating. Ilang minuto pa at nakarating na kami sa bahay nila, malaki ito, isang lumang bahay sa gitna ng malawak na lupain, pero maganda pa ang bahay, halatang minemaintain ng maayos.

“Welcome to our Ancestral House! The Sandoval mansion bwahahahahahaha” tanging siya lang ang natawa, kung titignan mo kasi hindi siya ordinaryong bahay malaki talaga.

“ano ka ba gurl! Joke yun!” sabi sakin ni Cha at pumitik pitik pa siya sa harapan ko nang mapansin niyang nakanganga pa ako at tulala sa pagkamangha.

“gurl nacomatose ka na ba?!” pasigaw niyang sabi, di ko parin alam kung bakit ako nandito, basta ang sabi ni Cha ikakasal daw ang kuya niya at kailangan niya ng partner sa kasal at ipakikilala niya raw na boyfriend niya ako, nung una pumayag ako, pero nung lumabas na ng bahay ang kanyang “Mama” di ko naman napigilang kabahan. Donyang donya ang dating halatang mamahalin ang bestida na suot ng kanyang mama matingkad ang kulay nito at may kapareha pang pamaypay. Nagulat ako ng bigla niya akong yakapin.

“Miguel Hijo!” pagkatapos yakapin ay bineso beso pa ako.

“I'm so glad you could come!” at marami pa siyang sinabi pero di ko na naabsorb lahat ng iyon dahal namangha nanaman ako sa alahas na suot suot niya, nakapambahay lang pero todo ang alahas sa katawan.

Inimbitahan niya kaming magmiryenda sa lanai sa bandang tagiliran ng bahay, may mga kulungan ng love birds na masayang nagchuchurp sa kanilang paglalaro, may magagarang mwebles na kung ililipat mo sa bahay namin ay sadya paring magara kahit na sa sala mo pa ilagay. Naghanda ng miryenda ang maraming kasambahay nila Cha, isang cake ang inihanda at masarap na kape. Marami kaming napaguspan ng Mama ni Cha tungkol sa college, sa work namin at sa bagong business na pinaghatian namin ni Cha na sa kasalukuyang nagboboom naman.

“I've been telling Cha to invest On a business, ikaw lang pala ang makakakumbinsi sa kanya hijo.” at napa ngiti naman kami ni Cha ng sabay sa kanyang Mama at napaisip ako talagang mahihirapan ako sa pag papanggap namin na iyon ni Cha gusto kong sumigaw. “I'm sorry Ma'am di po kami ng anak niyo! Bakla po ako BAKLA!” pero pinigilan ko ang sarili ko. Binigyan ko ng kinakabahang ngiti si Cha.

Mabait naman ang kanyang mama, down to earth pa nga, hindi matapobre tulad ng ibang mayayaman, kung makipag usap ang mama ni Cha at si Cha sa kanilang mga kasambahay ay kala mo kapamilya narin, hindi kinakabahan ang kanilang mga kasamabahay sa kanilang mga amo di, tulad ng mga napapanood natin sa TV na sinisigawan sila at pinagbubuHatan pa minsan ng kamay. Nasa ganito akong pagmumuni muni ng biglang may dumating na lalaki.

“Kuya!” Sigaw ni Cha sa bagong dating na lalaki at ang kanyang Mama ay napalingon sa bagong dating habang ako ay namutla. Gwapo ang kapatid ni Cha, siya na siguro ang magandang example ng tall, dark and handsome. Kayumanggi pero halatang may mestizo features, lalaking lalaki ang dating, magandang ngumiti, ang ngiti na hindi ko makakalimutan dahil sa isang kahihiyan na nangyari kanikanina lamang. Agad ko siyang namukhaan at gayon din naman siya sakin.

“Hijo I suggest na magshower ka muna, before I introduce you to our guest nakakahiya naman kay Miguel” sabi ng Mama ni Cha.

“Nonsense Ma! Ang bango bango nga ni kuya oh” sabay amoy amoy sa kuya niya.

“amoy bukid at baka!” pangaasar ni Cha. Nagulat naman ako ng mapatingin ako sa kaniya ay nakatingin din pala siya sakin at nagpakawala ito ng nakakalokong ngiti.

“Kuya I would like you to meet my boyfriend, Miguel. Migs, this is my brother Eduardo Sandoval III.” at napa singhap siya sa pagpapakilala na yun ni Cha wariy di naniniwala na boyfriend nga ako ni Cha. Tinignan ako simula ulo hanggang paa, pero di yun napansin ni Cha.

“Finally! Nakilala ko rin ang BOYFRIEND ni Cha you can call me Ed tol.” talagang inemphasize ang salitang boyfriend at umupo siya sa tabi namin at nakihati sa miryenda.

“Great! Talaga namang gaganahan ako nito sa pagpapanggap.” sarkastiko kong sabi sa sarili. Naguusap naman sila at ako tila natameme.

“Mama, I heard you had my room renovated, I would really love to see it.” sabi ni Cha.

“of course hija, pero pano yung mga bags niyo? I believe nasa kotsepa ang mga iyon.” sabi ng Mama ni Cha.

“No worries Ma, Miguel and kuya can take care of it.” at napatingin ako sa sinabing yun ni Cha at napatingin din sa kuya niya na sa ikinagulat ko ay nakangiting aso sakin, nakakaloko talaga ang kumag. Kinuwa na nga namin ng kuya ni Cha ang bagahe sa kotse.

“Hindi ba bawal sa Maynila ang umihi kung saan saan?” at dahil sa tanong na yon ay naibagsak ko ang maleta ni Cha na punong puno ng damit sa paa ni Ed.

“ouch!” sigaw nito. Di ko naman alam kung panong paumanhin ang gagawin sa kanya.

“sorry po talaga... naku di ko po talaga sinasadya.” Nagulat ako sa reaksyon niya, di na siya naka ngiting aso at itsurang galit na galit siya sa akin, nakakunot ang noo at nakasimangot.

“I never thought that my sister likes pussies like you!” at nagulat naman ako sa insultong yun. Medyo below the belt na pero pinalagpas ko na lang, nasa teritoryo nila ako at alam kong magagalit sakin si Cha pag nakipagbuno ako sa kapatid niya.

“bakit namumutla ka? Are you ok Migs?” tanong ni cha pag dating namin sa kwarto niya, malaki ito may mga lumang muwebles.

“baka kulang sa...” at sinenyas ni Ed ang bastos na hand gesture.

“hay nako kuya you're so bastos talaga!” at sabay silang nagtawanan at ng mapatingin ako s direksyon ni Ed ngiting aso nanaman ito.

“ano bang ginawa ko sa taong ito at ganun na lang ang pangaasar niya sakin?” tanong ko sa sarili ko.

Nagpahinga lang kami saglit ni Cha, magkahiwalay na kwarto kasi di pa naman daw kami kasal sabi ng Mama niya, as if naman may mangyayari. Nang maiayos ko na ang gamit ko agad namang nag ring ang telepono ko.

“Gurl! Ano musta naman ang stay mo sa Hacienda Sandoval?” pangaasar ni Cha sa kabilang line.

“Tangna ka gurl ano ba tong pinasok natin! I can't lie to your family, di ko kayang magpanggap!” napatawa siya at marami pa kaming napaguspan pero kailangan narin naming bumaba pa para maghapunan. Naging maayos naman ang lahat kasi lumabas pala si Ed kasama ang mga kaibigan niya kaya't kaming tatlo lang nila Cha at Mama niya sa hapag kainan.

“So Ma who's taking care of the wedding?” tanong ni Cha.

“Well you can't count on your Kuya, he's too easy go lucky. Si Brenda na ang bahala at sa gastos naman tayo na.” napalunok naman ako ng mabilis sa narinig, ikakasal na pala si Ed. Masarap naman ang aking pagkakatulog nung gabing yun dahil sa medyo malamig dahil umulan din nung gabing yun at syempre di narin kami nakapagusap ni Cha about sa narinig kong pagpapakasal ni Ed, at di rin ako naglakas loob na magtanong dahil sa baka isipin ni Cha na pinagnanasaan ko ang kapatid niya.

Nang magumaga na nagsuot ako ng pang jogging at sinuot ko sa kaliwang braso ko ang iPod, nagsimula akong tumakbo simula sa bahay nila Cha papunta sa may highway. Ugali ko na kasi yung tuwing umaga magjojogging ako, parang di kumpleto yung araw ko pag di ko nagawa yun.

Nang malapit na ako sa may kanto palabas sa highway biglang may lumikong kotse at bigla akong napatabi sa takot na masagasaan, pero dahil bigla din akong sumulpot bigla ring kinabig ng nagmamaneho ang manibela at napunta ang gulong nito sa putikan, at dahil malapit ako sa putikan na yun, tumalsik sakin ang ilang putik. Nagbaba ng bintana ang nagmamaneho at nainis din ako sa nakita, si Ed.

“Ano ba yang itsura mo bakit punong puno ka ng putik?” pangaasar niyang tanong sakin.

“Sa backdoor ka dumaan mamya ah, baka maputikan yung carpet” pangaasar pa niyang dagdag.

Di ko talaga maisip kung bakit ganon nalang akong asarin ng kapatid ni Cha, dahil kaya sinabi ni Cha na ako ang boyfriend niya at di ako tanggap ni Ed? Bakit kasi pumayag pa ako sa pagpapanggap na ito eh. At syempre pinagatuloy ko ang pag jojogging ko kahit na may putik putik ako sa katawan at dahil sa sinabi kanina ni Ed sa likod na nga ako dumaan, sa may kusina.

“naku! Ano ba yan Migs! Magkakalat ka rin pala dito sa kusina. O heto shorts magpalit ka na diyan ng damit.” at nagulat ako sa sinabing yun ni Ed nang makapasok ako sa may kusina.

“dito?” taong ko naman.

“oo, malamang wag ka ng mahiya.” lumapit siya sakin at binulungan ako sa tenga.

“nakita ko naman na yan” sabay turo sa harapan ko at talikod niya at sabay tawa ng malakas.

“Oo nga pala pagkatapos ng breakfast tulungan mo akong linisin yung kotse. Naputikan din ng sobra dahil sa katangahan mo eh.” pangaasar nanaman ni kumag. Pagkapalit ko ng shorts kinuwa ng mga kasambahay ang mga naputikan kong damit. Nang paakyat ako ng hagdan nakasalubong ko si Cha.

“oh boyfie what happened to you?” sabay ngiting nakakaloko.

“wag mong sabihing nag roll roll ka sa field namin just like our carabaos??” sabay tawa ng malakas.

“hindi! Sinabuyan ako ng putik ng kuya mo!” sagot ko namang may pagkainis, naglakad na ako papuntang CR at nagshower.

“Migs, Mama and I are going to town ha? Dito ka muna, tulungan mong maglinis si kuya nung BM. Kaw naman pala ang may kasalanan kung bakit ka naputikan pati yung BM.” sinabi sakin ni Cha after having our breakfast.

Nang umalis sila Cha at kanyang Mama naghanap ako ng magagawa. Paikot ikot lang ako sa loob ng bahay, nakikipagkwentuhan sa mga kasambahay. Nang makarating ako sa labas sa may garden nakipag usap din ako sa mga boy.

“Cha humanda ka sakin pagbalik mo ano ba naman tong pinapagawa mo sakin.” isip isip ko. Nasa ganoong ayos ako ng biglang nagsalita si Ed sa likod ko.

“diba sinabi ko sayo na tulungan mo akong maglinis ng sasakyan ko?” pagalit at parang pa demand niyang sabi. Sumunod naman ako sa kaniya at nakita nga ang kotse. Maraming putik pero magara parin. BMW na top down kulay dark blue, lalaking lalaki. Nang mapansin niya sigurong natulala ako bigla niya akong kinausap.

“alam ba yan ni Cha na nakikipaglandian ka sa mga boy namin?” pagkasabi niya nito ay lumapit siya sakin. Sa sobrang lapit napasandal ako sa kotse niya.

“Shit! Wrong move! Nacorner ako!” sabi ko sa sarili ko. Siniguro niyang di ako makakawala dahil nilapat niya ang dalawang kamay sa magkabilang gilid ko. Napatingin ako sa mukha niya at unti unti itong lumalapit sa mukha ko. Nilapat niya ang labi niya sa labi ko, una parang smack lang tapos mayamaya pinapasok na ng dila niya ang mga labi ko at naramdaman ko nalang na tuluyan ng dumikit ang katawan niya sa katawan ko at di ko narin napigilang lumaban. Kumawala siya sa pagkakahalik at dinilaan ang earlobes ko sabay bumulong.

“at alam din kaya ni Cha na may pagnanasa ka sakin?” at naitulak ko siya at tumakbo ako palayo sa kanya, tawa ng tawa si Ed habang palayo ako sa kanya.

“Shit! Shit! Shit! Sabi ko na nga ba he's just teasing me!” sabi ko sa sarili ko nang makarating ako sa kwarto ko, ano nalang gagawin ko pag sinabi ni Ed kay Cha ang nanyari. War of the worlds to pagnagkataon. Dumating na sila Cha naisipan ko na ako na mismo ang magsasabi kay Cha kung ano nangyari, unahan ko na si Ed.

“Cha I have to talk to you. May nagawa akong kasalanan sayo.” di ko pa natatapos ang sasabihin ko nang biglang sumingit si Ed nakangiting aso nanaman.

“Cha may sasabihin ako sayo” sabi naman ni Ed.

“alam mo ba tong si Migs, ginasgasan yung kotse gamit ang hose. May pagkaclumsy pala tong boyfie mo eh.” at natawa sila ng sabay, di ko alam kung tatawa ako o malulusaw.

“Migs ano na nga yung sasabihin mo sakin?” at nanlaki ang mata ni Ed sa likod ni Cha nakuwa ko naman ang ibig niyang sabihin.

“ahhh wala, yun nga kasalanan ko, nagasgasan ko yung kotse niyo.” sabay ngiti ng pilit.

“ahh yun lang pala. Ok lang yun. Sige boyfie palit muna ako ng damit ah.” at umalis na nga si Cha at natira lang kami ni Ed sa labas ng kwarto ko. Tinulak niya ako papasok ng kwarto at nilock ang pinto.

“at balak mo pa akong ibuko kay Cha ah!” pagalit niyang sabi.

“bakit di mo ba nagustuhan yung kiss ko kanina?” nanunukso nanaman niyang tanong palapit nanaman siya ng papalapit sakin at nakorner nanaman ako, this time sa pagitan ng pader at ni Ed.

“wag ka na kasing pumalag. Gusto ko rin naman eh.” at nagulat ako sa sinabi niyang yun.

“sorry Ed I can't” sabi ko nalang.

“wag kang magalala kay Cha, alam ko namang di talaga kayo eh. Ginagawa niyo lang to para may partner siya sa kasal diba?” sabi ni Ed sabay pinaglalaruan ang butones ng damit ko, sa mga mata ko parin siya nakatingin.

“yun na nga eh. Para may partner siya sa KASAL MO.” at nagulat siya sa sinabi kong yun at tumawa ng malakas.

“bakit ka natawa?” sabi ko ng medyo nagtataka.

“kasi naman di mo muna tinanong kay Cha kung sino talaga yung ikakasal. Si Mau yung ikakasal yung sumunod sakin.” at natawa ulit siya.

“kaya ba iwas na iwas ka sakin?” tanong niya na may pagkaseryoso, tinititigan niya ang mukha ko.

“saka dahil narin kay Cha” sagot ko.

“sus alam ko mapapatawad ka nun.” ngiting aso nanaman ang kumag.

“at...” panimula ko pero di na niya ako pinatapos.

“shhhh no more excuses! Tama na, alam ko namang gusto mo rin diba?!” at hinalikan na niya ako. Simula nun halos araw araw na lang siyang nasa bahay. Sabi nga ng Mama ni Cha himala daw na hindi siya umaalis sa bahay nila. Natatawa na lang si Cha dahil parang may nahahalata na siya sa pagitan namin ng kapatid niya.

“gurl, sabihin mo nga sakin yung totoo? May namamagitan ba sainyo ni Kuya Ed?” pataas kilay niyang tanong sakin, marahil may nakita siya sa mukha ko dahil napangisi siya.

“ha? Pano mo naman nasabi yan??? wala no!” pagdedeny ko.

“talaga gurl?! Ok lang naman eh! Magiging magkapatid na talaga tayo! Diba bongga yun?! Saka wag mo nang i-deny, amoy na amoy oh.” at inamoy ko sarili ko humawa pala yung pabango ni Ed sakin.

“eh bakit masama bang maging mabango??” balik tanong ko.

“uhmm gaga! Alam ko ang amoy na yan si kuya lang ang meron niyan. Di naman sa pagmamayabang gurl limited edition ang pagkakabili ko dyan at alam kong walang kaparehas si Kuya niyan dito.” at wala na nga akong nagawa kundi umamin.

“pero gurl wala namang namamagitan talaga samin ni Ed, siguro nag kiss kami once or twice pero yun lang yun. Promise!” pagdedepensa ko naman sa sarili ko.

“ay nako gurl ikaw ang bahala! Buhay mo naman yan eh pero sinasabi ko sayo bongga magmahal ang mga Sandoval! Iwan mo na yung mga loser sa tabi tabi no! Kuya is a great catch, a bonggang bonggang catch! Believe my red lipstick!” at humalaklak nanaman ang bruha.

Sa araw ng kasal nalaman ko naman ang hidden agenda ni Cha kung bakit niya ako dinala dito sa kanila.

“kasi gurl, yung ex ko ipapamukha ko lang sa kaniya yung kung anong nawala sa kaniya. Actually, he never said the reason kung bakit kami naghiwalay right after highschool.” sabi ni Cha.

“baka kadugo ko kasi siya gurl.” habang nagaayos ako ng barong ko at bineltukan ako ni Cha.

“gaga! Si kuya Ed lang naman ang bukod tanging di ko naamoy sa mga kadugo niyo no!” at tumawa kami ng sabay.

Natapos ang kasal at nagtagumpay si Cha sa balak niya. Nang magkainan na lahat nilapitan siya nung Ex niya at niyaya siya makipagsayaw. Hinayaan ko nalang sila, yun naman talaga ang dahilan kung bakit ako andun eh. Lumabas ako ng venue at pumunta sa parking lot at nagsindi ng yosi.

“oh andun yung girlfriend mo ah, nakikipagsayaw kay Vince” sabi sakin ni Ed at nakangiting aso nanaman, nginitian ko lang siya at inabot niya ang kamay ko.

“halika may ipapakita ako sayo...” at hinila niya ang kamay ko.

Nakarating kami sa isang man made lake sa bakuran ng venue ng reception, ang ganda ng lugar tumigil kami sa ilalim ng malaking puno ilaw lang ng buwan yung nagsisilbing ilaw namin at inagaw niya ang yosi na hawak ko at itinapon iyon, hinawakan niya ang magkabila kong kamay.

“I've never felt like this before, not with someone like you.” nagulat ako sa sinabi niyang yun. Hinila niya ang magkabila kong kamay at napayakap ako sa kaniya, maririnig parin ang tugtog sa pinagdadausan ng reception at isinayaw niya ako sa ilalim ng punong iyon.

“I would like to ask you... na... na... kung gusto mong maging partner ako?” at natigilan ako habang nakayakap sa kaniya, lumakas ang dagungdong ng dibdib ko di ko maintindihan ang mararamdaman ko.

“so..sorry” ang tanging nasabi ko at kumalag ako sa pagkakayakap sa kaniya, tumakbo papuntang reception area at kinausap si Cha.

“I'm sorry Cha I have to go” at umalis na ako at bumalik sa bahay ng mga Sandoval.

Kinabukasan napilitan na akong umuwi kasama si Cha. Nagtataka naman ang Mama.

“Mama, may problem po kasi sa Business namin ni Migs, we have to be there to personally fix the problem, we'll give you a call when we get there ok? I love you Ma.” at hinalikan niya ito at bineso beso din ako ng Mama ni Cha, di ko na nakita si Ed nung umagang yun. Yan naman ang gusto ko kay Cha kahit lukaret yan kahit sa pamilya niya pagtatakpan ako niyan. Naikwento ko narin ang nangyari samin ni Ed, naiintindihan naman ni Cha ang bigla kong pagdedesisyon na umuwi.

“Gurl wag ka nang magalala kay Kuya, makakarecover ng bonggang bongga yun, pero infairness, iba ka, pinakawalan mo ang kuya kong fafable!” at napatawa naman ako sa sinabing yun ni Cha. Habang naatras ang sinasakyan namin, di ko naman maiwasang mapatingin sa bahay nila at mapatingala. Nakita ko si Ed nakasando lang at nakatingin sa may bintana ng kwarto niya, malungkot ang mukha.

Sinubukan kong maging normal ang buhay ko pagbalik ko samin, sinubukan kong kalimutan na nakilala ko si Ed. Maraming nangyari sa loob ng ilang araw at yun ang nakakapagtaka. Nasa ganung pagmumunimuni ako ng biglang may kumatok sa pinto ng apartment na tinitirhan ko. Nagulat ako nang binuksan ko ang pinto, si Cha kasama si Ed nakangiti nanaman ito sakin... parang matutunaw ako. kumalampag nanaman ang puso ko sa loob ng dibdib ko.

“Hon sino yan?” kitang kita ko ang gulat sa mukha ni Ed at lumapit ang may ari ng boses na yun sa likod ko.

“Hon, I would like you to meet Ed, kuya ni Cha” pagpapakilala ko kay Jon na aking boyfriend at kay Ed.

Itutuloy...