INCORRIGIBLE VERSION 1: PROLOGO

Hi guys!!!

I know I have been so very busy for quite a while but you know what, I have this novel for you. Sa mga kakaunting bumibisita rito sa blog ko, sana makita niyo ito. What I'm going to share with you guys is my supposed entry sa isang book anthology. Yes, for the second time around, I will be joining a pool of great writers. MSOB Book Anthology 2 will be released this year so pakiabangan. Sa mga may kopya ng Book 1, thanks you! My deepest gratitude sa inyo. So heto na, hindi ko na patatagalin. Incorrigible Version 1 all for your entertainment.

Ciao!

Dalisay

PROLOGO

            “Ibaba mo ang baril, Jonathan!”

            Sigaw ni Michael na ikinagulat ng nabanggit. Hindi niya inakalang masusundan siya nito sa lugar na iyon. Sa lugar na inilihim niya sa kahit na sino. Kahit sa mga kapamilya at kaibigan niya.

            “Ibaba mo iyan, Jon.” Pakiusap pa nito sa kanya.

            Unti-unti itong lumapit sa kinatatayuan niya. Hindi matinag ang nag-aalalang tingin na ibinibigay nito sa kanya. Waring nagsasabing magiging maayos din ang lahat.

            Itinuon ni Jonathan ang tingin saglit sa taong tinututukan niya ng baril. Nakangiti ito sa kanyang pagngingitngit. Waring sinasabing suwayin niya ang sinasabi ni Michael at paputukin ang baril na kanina pa nakatutok dito.

            “What's the matter, sweetie? Aren't you gonna fire that gun just now, are you?” nanguuyam na sambit nito sa kanya.

            Naningkit ang mata niya sa sinabi nito. Bahagya niyang itinaas ang armas at akmang kakalabitin na ang gatilyo.

            “Huwag, Jon!” sigaw ulit ni Michael na ikinalingon niya.

            Malapit na malapit na ito sa kanya. Hindi niya mapagdesisyunan kung itutuloy ang pagkalabit sa gatilyo upang wakasan ang buhay ng taong nasa harapan niya o susundin ang pakiusap sa kanya ni Michael.

            “Bakit ka ba nagkakaganyan? Hindi mo dapat ginagawa ito,” paki-usap pa rin sa kanya ng bagong dating.

            “Tell him, Jon. Tell him!”

            “Shut up, Karl!” sa wakas ay singhal niya sa nasa harapan.

            “K-Karl?” tanong ni Michael.

            Napabuga siya.

            “Oo. Siya si Karl.” Sagot niya.

            Nangunot ang noo ni Michael. “P-paano'ng nangyari iyon?”

            “Mahabang kwento, Mike.”

            Huminto ito sa dahan-dahang paglapit sa kanya.

            “I'm all ears, Jon.”

            Napangiti siya.

            “Are you sure?”

            “Sure as hell, Jon.”

            “Very well then...” sambit niya.

            BANG!!!

            “Jon!!!” ang umaalingawngaw na sigaw ni Michael sa paligid.

            Napaluhod ito sa nasaksihan.

            “Don't worry, Mike. I'll tell you the whole story...” ang nakakakilabot na sambit ni Karl.

ITUTULOY...