TASK FORCE ENIGMA: Justice Served (A Christmas Special)

BATI MODE: Hello there guys! I'm sure pinagbabalakan na ninyo ako ng masama dahil sa hindi ko pagpopost ng mga stories kong nakatengga. Hindi na ako mangangako kung kailan pero ang katotohanan ay itutuloy ko silang lahat. Isa-isa nga lang. LOL. Well, I just want you all to have a Merry Christmas and what's the better way to share it with you? It's the TFE way. Here's Perse, Cody and Jerick sa isang kapana-panabik na Christmas Special. Enjoy reading everyone! Comments are appreciated. Don't be a bitch this Christmas. ^_^

For Rovi, Rick, Cody, Jerick and Perse (Ayhian). Merry Christmas mga anak! I love you all!

JUSTICE SERVED
(A Task Force Enigma Special)

Ni Dalisay Diaz

 December 24, 2011, 4:00 AM

"What do we have here?" Tanong ni SPO4 Perse Verance sa mga SOCO Investigators na inabutan niyang busy na sa ginagawa. May natagpuan daw na isang babaeng nakahandusay sa likuran ng isang sikat na bar sa Tomas Morato.

Napapalatak siya. Ibang klase talaga magbiro ang tadhana sa kaniya. Kakasimula pa lang ng bisperas ng Pasko, heto siya at may aasikasuhing murder case. Malamig ang panahon ngunit hindi niya iyon alintana.

"Sir Perse." Bati ng isang pulis na nauna sa kanya roon.

"Kumusta, Suarez?"

"Mabuti naman, Sir. Kayo pala ang imbestigador."

"Oo. Wala naman akong ginagawa sa ngayon. Ako na ang hahawak dito."

"Ganun po ba? Dito po tayo." Nagpatiuna ito sa kanya sa mismong kinalalagyan ng babae. Nakasilid ito sa isang malaking itim na plastic bag na nasa loob naman ng malaking dumpster. Mukhang bata pa. Maganda ang hugis ng mukha na ngayon ay duguan  na. Maraming basag na salamin ang nakabaon sa mukha nito. Sinilip niya ang ilang bahagi ng katawan ng biktima na maari niyang makita. May nakita rin siyang mga salamin sa braso nito. Kinunan niya ng litrato ang mukha ng babae gamit ang cellphone.

"May nakita ba kayong pagkakakilanlan?"

"Wala po Sir Perse. Wala kaming nakitang ID."

"Ganun ba?"

"Opo."

"Sino raw ang nakakita?"

"Yung isang crew ng Guilty Island. Magtatapon sana ng basura nang makitang may babaeng nasa loob ng basurahan."

"Nasaan siya?"

"Sandali po Sir at tatawagin ko." Tinanguan niya lang ito.

Iginala niya ang paningin sa paligid. May kalayuan ang pintuan na patungo sa loob ng bar at may kadiliman ang lugar. Base sa hitsura ng babae ay mukhang ilang oras pa lang ito namamatay. May isang eskinita na nagdudugtong sa main road patungo sa dumpster. May kasikipan iyon. Tama lang sa isang tao. Kung itinapon lang ang biktima sa lugar na iyon ay mahihirapan ang gumawa niyon o ang mga gumawa dahil sa sikip ng dadaanan.

Tiningnan niya ang relos. Alas-kwatro ng madaling araw. Marami-rami pang tao sa loob ng bar pero ang mga tao sa labas ay panaka-naka lang. May pagkakataon nga ang suspek na madala ang biktima sa dumpster.

"Sir, ito na po yung nakakita sa biktima."

Kasama ni Suarez ang isang may katangkaran na lalaki. May suot pa itong apron. "SPO4 Verance." pagpapakilala niya.

"Gelo po sir."

"Buong pangalan?"

"Godofredo Dela Bajan po." nahihiyang sambit nito.

"O sige Gelo na lang." natatawang sabi niya. Napakamot naman ito sa ulo.

"Anong oras mo nakita ang biktima?"

"Ah, bale mag-a-alas tres y media yata sir."

"Ikaw lang ba mag-isa?"

"Opo. Natakot nga po ako. Kasi parang kakakita ko lang kay Ms. Brenda ng mga alas-onse."

"Huh? Ibig mong sabihin ay parukyano siya rito?"

"Opo. Suki po iyan dito."

"Sinong may-ari nito?"

"Iyong may-ari po nitong bar?" confused na tanong ni Gelo.

"Nariyan ba siya?"

"Ah... Di ko po alam Sir. Nasa kusina po kasi ako madalas. Nadaanan ko lang po sa labas si Ms. Brenda kanina eh."

"Sige, ako ng bahalang maghanap sa amo mo. Isang tanong na lang."

"Sige po. Ano po iyon?"

"Wala ka bang nakitang ibang tao dito ng makita mo ang katawan ng biktima?"

"Wala po."

"Sige. Makakaalis ka na. Salamat."

"Walang anuman po Sir."

Pagkatapos makipag-usap kay Gelo ay napag-isip siya. May tatlong malabong eksena na siyang nabubuo sa isipan. Una, Maaaring ang suspek ay taga-Guilty Island din. Pero kung ganoon nga ay bakit dito lang sa likuran itinambak ang katawan ng biktima?

Pangalawa, kung ang babae ay suki ng bar, malamang na ang suspek ay isang masamang loob na naghihintay ng bibiktimahin sa labas at ang babaeng si Brenda ang minalas. Nawawala kasi ang mga gamit nito. Imposibleng wala itong dalang bag or kahit ano sa paglabas ngayong gabi. Pero bakit may mga salamin na nakabaon sa mukha nito? Kung isang simpleng kaso ng murder with hold-up ang isang ito ay bakit salamin ang gagamitin sa biktima? Usually, mga patalim at baril ang ginagamit ng mga masasamang-loob.

Pangatlo, Kung sa ibang lugar ito pinatay, bakit mag-e-effort ang suspek na dito sa likod ng bar itapon ang katawan ng biktima? Napatingin siya sa bar. Mukhang may kinalaman ang lugar sa kaso.

"Suarez,” tawag niya sa tauhan.

"Sir?"

"Naitanong mo ba kung nariyan ang may-ari?"

"Opo sir. Nariyan daw. Pero di raw muna siya magbibigay ng statement. Wala naman daw kinalaman ang bar kahit sa likod nito nakita ang biktima. Makakasira daw sa imahe ng business iyon sabi ng sekretarya ng may-ari."

"Nakaisip kaagad sila ng dahilan. Business sucks. Pero humanda sila mamaya."

"Bakit Sir? Anong gagawin mo?" Takang tanong ni Suarez.

"Tawagan mo si Hepe. Magpahanda kamo ng warrant first thing in the morning. May tatawagan lang ako."

"Yes Sir."

Nang makaalis si Suarez ay tinipa niya ang numero ng kaibigan niyang alam niyang makakatulong sa kanya.

"Pare! Alang-hiya ka nakabaon pa ako! Mamaya ka na tumawag." naiinis na sagot ng nasa kabilang linya.

"Huwag kang ungas Unabia. Kaya mong tapusin yan kahit kausap mo ako."

"Tarantado! Tumawag ka after ten minutes." at nawala ito sa linya.

Natatawang ipinasok niya ang cellphone sa bulsa. Kasalukuyan ng inilalagay ang labi ng babaeng si Brenda sa loob ng cadaver bag. Sa ngayon, pangalan lang ang meron siya nito. Naisipan niyang tawagan si Jerick na isa pang kaibigan na maraming alam kalkalin na files. Mapa-legal man or illegal.

"Pare." aniya pagkasagot nito sa kabilang linya.

"Uy, Perse! Anong sa atin?"

"Ganoon pa rin. Teka, natutulog ka ba? Si Cody nakabaon pa pagtawag ko. May kinakana ang loko."

"Gago. Marunong naman kaming matulog 'tol. Ikaw ang dapat mag-aral nun."

"Salmorin, kumpara naman sa inyo, kilala ko ang tulog sa gabi."

"Nagsalita ang santo. Sige, ikaw na. O anong atin?"

"Kaya mo bang i-check kung may membership list ang Guilty Island?"

"Yung bar?"

"Oo."

"'Lang'ya ka Perse, magpapasko, kung anu-ano inaasikaso mo. Sandali lang sa request mo 'tol." Natatawang sambit ni Jerick. Nakarinig siya ng pagtipa sa keyboard.

"Walanghiya, nakakabit ba sayo yang laptop mo?"

"Oo. O eto, ungas ka! Nakapasok na ako. Anong meron sa site nila?"

"Narito kasi ako ngayon sa likod ng Guilty Island. May natagpuang patay. At ayon sa nakakita, customer daw ang babae dito. May nakikita ka bang Brenda ang pangalan?"

"Sandali, tingnan ko sa member list."

"Okay."

Ilang saglit lang ay nakabalik agad ito sa kanya. "May tatlong Brenda dito 'tol. Anong hitsura ng babae?"

"Sandali, may ise-send ako sayo."

Pinutol niya ang tawag at nag-send dito ng picture ng Brenda na biktima. Nang matanggap ni Jerick iyon ay ito na ang tumawag.

"Pare, kilala ko na ang Brenda mo. Mukhang magkaka-brenda ka nga diyan sa isang yan."

"Huh? Bakit?”

“See it for yourself. Send ko sa cellphone mo yung file. Merry Christmas na lang 'tol. "

"Okay. Same to you."

Curious man ay hinintay niya ang sinasabi nitong file. Napangiti siya ng mapakla ng maalala ang pagbati ni Jerick. Ganoon talaga ang trabaho ng mga pulis na katulad niya. Naglakad siya patungo sa harap ng bar. Pumasok siya doon at muling sinubukan kung makakausap niya ang may-ari pero tumanggi pa rin ang mga itong ipakiusap sa kanya ang lalaki.

Bumalik siya sa sasakyan ng makitang paalis na rin sila Suarez. "Sir, papagawan na raw ni hepe ng warrant. Makukuha mo daw iyon ng alas-nueve."

"Salamat Suarez."

"Sige sir."

Pagsakay niya sa sariling sasakyan ay tumunog ang kanyang cellphone. Nang buksan niya ang file ay napailing siya sa nalamang file ni Brenda David. Anak ito ng isa sa most wanted drug lord na si Francisco David na pinaghahanap sa buong Asya at maging sa Pilipinas. Malaking problema ang nakikinita niyang dala nitong kaso na ito sa kanya.

Tinawagan niya ulit si Cody. Sinabi niya rito ang pakay. Kailangan niya ito sa pag-aaral sa katawan ni Brenda. Ang expertise nito ang sadyang nararapat sa kasong ito. Lalo pa at bigatin ang kalaban nila.

Naiiling na binuksan niya ang stereo na isa palang malaking pagkakamali. Iglap ang pagbaha ng alaala ng isang partikular na tao sa kanyang isipan nang marinig niya ang pumailanlang na awitin.

Greeting cards have all been sent
The Christmas rush is through
But I still have one wish to make A special one for you... 

Merry Christmas darling 
We're apart that's true 
But I can dream and in my dreams 

I'm Christmas-ing with you...

Napasimangot siya at naiinis na pinatay ang stereo saka mabilis na umalis sa lugar na iyon.   

***

10:00 AM

"DO you know Brenda David?"

Kausap niya ngayon si Larry Salazar. Ang may-ari ng Guilty Island. Nasa loob sila ng opisina nito. Isa itong gwapong lalaki na may kaliitan ang height. Nasa late twenty's lang siguro.

"Nope."

"As the owner, don't you feel a little bit responsible that one of your club members died on your club's premise?"

"It's an unfortunate accident. And I don't have to feel responsible for it. Walang kinalaman ang club ko."

"Diya ka nagkakamali."

"Anong ibig mong sabihin?"

"Dahil dito huling nakitang buhay si Brenda. Ayon sa statement ng nakakita sa katawan niya ay nadaanan niya sa labas ng mga alas-onse ang biktima bago niya ito natagpuang walang-buhay sa likuran. Ngayon mo sabihin na hindi ka responsable para doon."

Natigilan ito. Pero madaling nakabawi. "Still, wala akong kinalaman diyan. Hindi ako ang pumatay sa kanya."

"Wala kaming sinasabing ikaw ang pumatay sa kanya."

"Doon din patungo ang mga tanong niyo. I won't talk without my lawyer."

"Okay. That will give us a lot of time to search this place."

"Fine. Just let my crew clean this place. It's quite messy here."

"Oh don't worry. It's our job to clean messy things."

"Whatever." Kibit-balikat nitong sabi.

Umalis ito ng opisina at hinayaan silang dalawa ni Suarez na maghanap-hanap sa paligid. Binuksan niya ang desktop nito at tiningnan ang mga files. Nakita niya ang membership ni Brenda David at ng ilan pang miyembro. Nang buksan niya ang ilang files ay natigilan siya ng makitang magkasama si Larry at nasa isang compromising na position.

Isinalang niya ang USB at kinopya ang pictures. Si Suarez naman ay natutuwang tinawag siya. "Sir Perse."

"Bakit?"

"Gusto mong manood ng movie?"

Nangungunot ang noong tiningnan niya ito. Na-gets niya kaagad ang ibig nitong sabihin ng makita ang CD na hawak nito galing sa nakabukas na surveillance video control booth na hindi mo mahahalata dahil nakatago sa isang panig ng pader.

"Mukhang may mga pag-aaralan tayo ng husto."

"Mukha nga Sir."

Pagkatapos sa opisina ay bumaba sila para tingnan ang mismong bar. Bakas doon ang iniwang kalat ng nagdaang gabi. Hindi pa nakakapagligpit ang mga crew dahil na rin sa utos niya. Nilapitan niya ang sinabing pinuwestuhan ni Brenda. Inilabas niya ang finger print kit at kinuhaan ang lamesa at upuan. Nang makakuha ng ilang sample ay umalis na sila doon.

***

11:30 AM

"The victim is Brenda David. Daughter of Francisco David, Asia's Most Wanted. Tiyak kong malaking krimen ito. At hindi magugustuhan ito ng ama ng biktima."

Napatango siya sa sinabi ni Cody. Kasalukuyan nitong tinatanggal ang mga salamin sa mukha, ulo at braso ni Brenda. Mukhang hindi iyon sa alak. Masyadong malinaw iyon.

"May needle marks ang biktima sa braso. Sa mismong vein."

"Mukhang user ang isang ito. Look."

Sinundan niya ang itinuro ni Cody. "May mga puting residue sa ilong ng biktima. Must be cocaine."

"We have to test her blood."

"In a minute."

Kumuha ito ng sample ng white residue sa ilong ni Brenda at pati na rin blood samples sa braso nito.

"Hintayin mo na lang mamaya. Daan ka na lang ulit dito. In the meantime, pwede ba akong mag-lunch?"

Natawa siya. "Sige. Sabay na tayo 'tol."

"Pero itong mga salaming ito ay subukan mong ipaayos ang pattern sa lab."

"Sure. Tatawagan ko si Suarez."

***

1:00 PM

"NAGSINUNGALING ka sa amin."

Nagtaas ng kilay si Larry sa pagbalik nilang iyon sa opisina nito. Napanood kasi nila ang videos at nakita nilang nagkausap pa ang biktima at ito nung gabing bago nangyari ang krimen. Nakita niyang ipinakaladkad ito ng lalaki sa isang bouncer. Nagwawala ang babae sa video na napatahimik lang ng lapitan ulit ni Larry at may ibinulong na kung ano na siyang nagpalabas ng tuluyan kay Brenda sa club.

"Kayo na naman?"

"Oo. Nakita namin sa CCTV mo na nagkausap pa kayo kagabi bago siya umalis. Anong sinabi mo sa kanya na nagpa-upset sa kanya?"

"Nakita niyong upset siya sa video?" Tila hindi na ito nagtaka na nakita nila ang surveilance booth.

"Oo. What did you tell her?"

"Nothing. I told her I don't want to see her face again. It's bad for business and besides, malilintikan ako kay Francisco."

"Kilala mo ang tatay niya?"

"Sino bang hindi. Kaya nga hindi ko siya pinatulan sa pagwawala niya. Magagalit sa akin ang ama niya kapag pinatuloy ko siya dito at hinayaang maglasing."

"But that didn't stop you from having an affair with her."

Nagkulay suka ito. Inilabas niya ang folder na mayroong larawan ng mga ito. Lalo itong pinagpawisan sa nakita.

"You sneaked into my desktop?"

"You specifically said "Whatever" to us when we did our search."

"That's invasion of privacy." galit na sabi nito.

"And that's obstruction of justice. Kung ako sa'yo ay sasabihin ko na ang lahat ng alam ko."

Napabugha ito ng malakas na hangin.

"That bitch… she said she'll never come here again ng matuklasan ng ama niya ang relasyon namin. Nalaman kong pinagsasabay niya kami ni Alfie, iyong isa pa niyang boyfriend. I loved her. Kaya naman nalungkot ako sa pagkamatay niya. At hindi ako ang pumatay  kay Brenda."

Napailing siya. "We'll let the evidence speak. So far, wala namang nagtuturo sa'yong suspect. Saan ang address nitong Alfie na ito?"

"Sa Libis. May condo siya doon."

"Okay. I will need his full name."

"Alfie Quinita."

***

2:05 PM

NASA harap siya ngayon ng bahay ni Alfie Quinita dala ang isang search warrant. Madali lang para sa kanya ang kumuha nun dahil tutukan siya kung mag-solve ng kaso. Isang araw lang hangga't maaari.

Itinanong niya sa gwardiya kung saan ang unit nito pagkatapos magpakilalang pulis. Kumatok siya pagtapat nila ni Suarez sa pinto. Bumungad sa kanila ang isang medyo may edad ng lalaki. Sakto sa picture ng file na nakuha ni Jerick ng ipahanap niya ang pangalan nito.

"Alfie Quinita?"

"Oo. Bakit? Anong kailangan nila?"

Ipinakita niya ang badge. "SPO4 Verance. QCPD Homicide Division. Magtatanong lang kami tungkol kay Brenda David."

Nagitla ito. "What about her?"

"She's dead. Natagpuan sa likuran ng bar ni Larry Salazar."

Nanlaki ang mata nito sa narinig. "Larry Salazar?"

"Why? Does it ring a bell?"

"He's Brenda's other boyfriend."

"So you knew."

"Knew what?"

"That she was a player."

Napatango ito. Biglang nagmukhang pagod.

"Nasaan ka ng mga bandang ala-una hanggang alas-tres y media?"

"Narito lang. Maaga akong natulog kagabi."

"Kailan ang huling pag-uusap niyo ng biktima?"

"Noong isang araw pa. Nanlalamig siya sa akin eh. Hindi na siya nagpupunta dito."

"Okay. So, do you mind if we take a look around?"

"What? I didn't kill her."

"Wala kaming sinabing ganyan."

"Wala kayong warrant."

"I thought you'd never ask." Inabot niya ang papeles na hinahanap nito. Sumusukong ibinalik nito iyon sa kanya.

"Okay. Just don't break anything."

"We'll be careful. Promise."

Umalis muna ito ng unit nito. Nakita niya ang cellphone ni Alfie na nakapatong sa ibabaw ng ref. Inabot niya iyon at pinasadahan ng tingin ang call register.

Bingo!

Nakarehistro doon ang pagtawag na naganap kagabi ng alas-dyes. Nagsinungaling ito sa kanya. Kinunan niya ng litrato ang nakalagay na impormasyon at saka pasimpleng ibinalik ang aparato sa pwesto.

Napatuon ang pansin niya sa center table. Parang may kulang doon. Napansin niyang malinis ang kapaligiran. Sumnghot-singhot siya.

"Bleach."

"Oo nga, Sir." sagot ni Suarez

"Padaanan mo ang center table ng blue light."

Tumalima ito at tama nga ang hinala nila. May blood splatter na marka doon. Kumuha ng buds si Suarez at ipinunas doon saka may ipinatak na solution. Nagkulay dugo ang tip ng cotton buds.

"Positive, Sir."

"Sige, bumalik na tayo sa lab. Mukhang nakita na natin ang crime scene. Solidong ebidensiya at motibo na lang ang kailangan natin."

***

3:10 PM

Pagbalik nila sa laboratoryo ay sinalubong sila ng nakasimangot na si Cody. Naiinis na ibinalibag nito ang report sa harap niya.

"It’s contaminated."

"Ang alin?" nagtatakang tanong niya.

"The victim's blood."

"Paanong nangyari iyon? E di ba ikaw ang kumuha nun?"

"I know right? May nakita akong alien na blood components sa dugo niya. It's from an A+ male."

Napahalakhak siya. "Subukan mong kumuha sa ibang bahagi ng katawan niya."

"Ginawa ko na 'tol. Hinihintay ko na lang. "Alas-kwatro na. Merienda tayo."

"Susme, nagugutom ka lang palang ungas ka."

"Mas makakapagtrabaho ako ng maayos kung busog ako."

"Ulol. Sige na nga. Suarez, umorder ka ng pagkain. Yung pinapatapos kong project sa'yo?"

"Tapos na po siguro. Pinaayos ko kay Marco. Kunin ko na lang po ang report."

Inabutan niya ito ng pera at mabilis na nawala sa paningin niya. 

"Saan ka magpapasko, pare?"

Natigilan siya tanong na iyon ng kaibigan. Sa totoo lang, wala pa siyang plano para bukas. Malamang ay sa loob lang siya ng bahay niya.

Sasagot sana siya sa tanong nito ng may kumatok sa pinto. Binuksan iyon ni Cody at may iniabot rito ang pinagbuksan. Result siguro iyon ng lab tests ni Brenda.

"Oh my God!" Malakas na wika ni Cody.

"Bakit?"

"You won't believe this. Ang ikinamatay ng biktima ay isang maling blood transfusion."

"What?"

"The victim's blood type is O positive. The unknown male donor is an A positive. The process killed her instantly. Mabilis ang reaction ng ganyang transfusion sa katawan ng biktima. That explains the needle marks."

"How about the white residue?"

"It's not just cocaine. It's laced with pesticide."

"What?"

"She definitely took a lot. But how can you explain the glasses on her face?"

"It's a fish bowl."

Napaangat silang pareho ni Cody ng ulo. Bumungad si Suarez na may dalang folder. Binabasa nito ang nilalaman niyon habang papalapit sa kanila.

"Sigurado ka?" tanong niya.

Tumango ito at ibinigay sa kanya ang papel. "Opo sir. Marco studied the pattern at iyon ang nakuha niyang malapit na match sa mga bubog na nakuha sa biktima. May nakuha rin kaming prints. At iyon ay match kay Quinita."

"Good job Suarez. Ibigay mo rin nga yung nakuha nating sample na bahay ni Quinita. Pakitingnan pare kung match sa biktima." baling niya kay Cody pagkatapos pasadahan ang paeles.

Nang makuha ang blood sample sa buds ay tama nga ang hinala niyang kay Brenda ang dugo na nakamarka sa center table. Nakita niya ang scenario sa isip.

Nang ilagay ni Brenda  ang inakala niyang cocaine sa lamesa at singhutin at nagkaroon ito ng reaksiyon sa utak ng babae. Malamang na kinumbulsyon ang biktima at naihampas ang mukha sa lamesa. Saktong naroon ang fishbowl. That explains the glass fragments on the victim's body.

Siguro ay isang attempt na pagliligtas sa male donor na iyon kung pagbabasehan ang ginawa nito. Iyon nga lang namali ito ng akala. Hindi ito nakatulong bagkus ay napahamak pa ang biktima.

"Pumunta ka kay hepe at magpahanda ng warrant of arrest para kay Alfie Quinita. Magpagawa rin ng Hold Departure order para dito. Pupuntahan ulit natin siya sa bahay niya." utos niya kay Suarez

"Sir, may tawag sa radyo, may nagaganap daw na barilan sa Guilty Island. Dalawang lalaki daw." singit sa kanila ng sekretarya ng hepe nila.

"Showtime guys!"

"Galingan mo 'tol." pahabol ni Cody.

"Inom tayo mamaya."

"Sige ba."

"Tara Suarez."

"Yes Sir!"

***

3:55 PM

"Bakit mo pinatay si Brenda?!" inabutan niyang sigaw ni Alfie kay Larry.

Nagpaputok ito ng ilang ulit. Hindi makalapit ang mga pulis dahil pinapaputukan din ang mga ito ng dalawa.

"Hindi ko siya pinatay!" sigaw ng huli.

"Sinungaling!" Sigaw ulit ni Alfie.

"Mukhang kailangan ko ng tulong ni Cody dito." sabi niya. Akmang tatawagan niya ito ng marinig niya ang boses nito.

"Hinanap mo raw ako?" nakangiting sambit ng sira-ulo.

"Hanep, ang lakas ng radar."

"Curious ako eh. So paano. Papatulugin ko ba ang dalawang iyan. May baon akong dalawang vials."

Pampatulog ang mga iyon. Tinanguan niya ito at pumuwesto na. Ito ang sniper ng Task Force Enigma –isang top secret search and destroy team na kinabibilangan ng army, police, air force at navy, siya ang second in command ng grupo- kaya alam niyang kayang-kaya  nito iyon. Though hindi lahat ay alam ang tungkol sa sikretong organisasyon nila.

"Pwesto lang ako."

"Sige. Signal ka na lang kung kailan mo gagawin."

"Sure manure."

Kinuha niya ang megaphone. "Quinita. Sumuko ka na. Inaaresto kita sa pagpatay kay Brenda David."

"Hindi ako ang pumatay sa kanya. Itong ugok na ito iyon." ganting sabi nito.

"Nakuhanan namin ng dugo ni Brenda ang unit mo. Nagkalat iyon sa center table. Nawawala ang fishbowl mo di ba?" nang-aasar na sabi niya sa megaphone.

"Hindi ko siya pinatay. Patay na siya ng makita ko siya doon."

"Sa husgado ka magpaliwanag."

"Totoo ang sinasabi ko. Hindi ako ang pumatay sa kanya. Wala na siyang buhay ng abutan ko. Ang tanging mali ko ay itinapon ko siya sa likod ng bar ng tarantadong ito." tukoy nito kay Larry.

"Ulol. Huwag mo akong idamay. Narito lang ako sa bar ko buong gabi."

"Sumuko na kayo. Kung hindi..." pambibitin ni Aries.

"Kung hindi ano? Papasukin niyo kami? Sige, magkamatayan na." galit na sabi ni Alfie.

Tumunog ang radyo niya. Ready na raw si Cody. "Sige, tol. Bibilang ako ng tatlo."

"Copy that."

"Sumuko na kayo. Bibilang ako ng tatlo. One. Two..."

Pagsambit niya ng three ay natahimik ang lahat ng umalingawngaw ang dalawang putok. Pinalipas niya ang ilang sandali at inutusan ang mga tauhan na pumasok. Pagpasok niya ng Guilt Island ay nagulat siya ng makitang sabog ang ulo ng dalawang lalaki. Tinawagan niya si Cody.

"Pare. Bakit mo dinale?"

"Ha? Hindi nga ako naka-tira eh. Nawala yung dalawa. Biglang tumumba si Quinita."

"Eto oh, dedbol na."

"Nakow... mukhang may ibang tumira diyan. Promise ‘tol. Wala akong alam diyan."

"Punta ka dito. Dali."

"Sige wait."

Naiiling siyang lumapit sa katawan ni Alfie. Nagtaka siya ng walang makitang needle marks sa braso nito. Ilang beses niyang tiningnan ulit ngunit wala. Natatarantang lumapit sa kanya si Suarez.

"Sir. Tingnan mo si Larry."

Tumango siya at sumunod dito. Laking gulat niya ng makita ang markang hinahanap kay Quinita ay naririto pala. All along, nagsasabi ng totoo si Alfie.

"Namputsa. Mas sure shot sa akin ang tumira 'tol."

Si Cody iyon.

"Tama ka. Mukhang nabalitaan na ng tatay ng biktima ang pangyayari," ani Perse sa kaibigan.

"Mismo." Ang iiling-iling na sagot ni Cody.

“Hindi talaga papaya si Francisco David na di mabigyan ng katarungan ang anak niya. Para sa kanilang mga nasa ganoong uri ng organisasyon, katarungan na ang pagbabayad ng buhay,” madilim ang mukha niyang sabi.

Napapalatak na lumabas sila ng Guilty Island. May mga dumaang grupo ng kabataan sa di kalayuan na naka-costume para mangaroling.

"Beer?" tanong niya kay Cody.

"Sure."

Naglakad silang dalawa palayo sa lugar na iyon habang nagkakagulo ang mga rumespondeng pulisya at paramedics. Kapwa pa sila natigilan ng may pumailanlang na awiting pamasko.

Merry Christmas darling
We're apart that's true
But I can dream and in my dreams
I'm Christmas-ing with you...

Holidays are joyful
There's always something new
But every day's a holiday
When I'm near to you
The lights on my tree
I wish you could see
I wish it every day
Logs on the fire
Fill me with desire
To see you and to say

That I wish you Merry Christmas
Happy New Year, too
I've just one wish
On this Christmas Eve I wish I were with you...


Logs on the fire 
Fill me with desire 
To see you and to say 
That I wish you Merry Christmas 
Happy New Year, too 
I've just one wish 
On this Christmas Eve 
I wish I were with you I wish I were with you...  

Napangiti si Cody habang tahimik lang na nagpatuloy sa paglalakad si Perse. Kailangan na talaga niyang magpahinga. "Magpahinga" means a breather, or assignment para ilan. Hindi kasi siya nakakapag-isip ng kung anu-ano kapag may inaatupag siyang kaso.


Napalingon siya ulit sa mga nangangaroling. Parang walang naganap na patayan kanina lang at hindi iyon inaalintana ng mga ito. Sabagay, wala namang alam ang mga ito.

Napabuga siya. He needed more work than the usual. He can't just sit around doing nothing but think of someone from his awful past. He needs a diversion. A big one.

"Pare, saka mo mo na isipin ang ibang bagay. Inuman na lang tayo," anyaya sa kanya ni Cody.

Tiningnan niya ito. His friend has always been a cheerful one. Sana lang magaya niya ang katangian nito. Kahit mahawaan man lang siya ng kaunting kakengkoyan sa katawan. Muli, napabuga siya.

"Saan tayo?" tanong niya.

"Sa bahay mo na lang. Mamaya niyan, magpatiwakal ka pa. Pupuyatin mo pa kami sa burol mo," pagbibiro ni Cody.

"Gago!"

Natatawang tinakbuhan siya ng kaibigan. Napangiti siya. At least, may makakasama na siya para sa pinaka-iiwasan niyang araw. Isang kaibigang hindi magtatanong. Dadamay lang at aakayin ka kapag nalasing ka na. Sinipat niya ang relos. Alas kwatro y media na. Isang buong araw lang ang itinagal ng kasong iyon sa kanya. Alam na niya ang gagawin niya bukas. Magpapasko siya sa opisina. For the meantime, magse-celebrate muna sila ni Cody.

"Hintay lang 'tol." aniya.

Huminto si Cody at hinintay siyang makalapit. Inakbayan siya ng loko kaya nakatikim ito ng kutos sa kanya. Tatawa-tawang sumakay sila sa kaniya-kaniyang sasakyan at umalis sa lugar na iyon.

WAKAS